Kandidati presidencial i partisë në pushtet në Korenë e Jugut, ka ndezur debat këtë javë pasi ai propozoi lejimin e sigurimit publik të kujdesit shëndetësor për të mbuluar trajtimin e humbjes së flokëve, duke nxitur brohoritje nga disa votues dhe kritika për axhendën e tij populiste.

Lee Jae-myung, mbajtësi i flamurit të Partisë Demokratike, e bëri këtë premtim, duke thënë se pothuajse 10 milionë njerëz vuajnë nga rënia e flokëve, por shumë prej tyre porosisin ilaçe nga jashtë ose përdorin ilaçe për prostatën si një alternativë për shkak të kostove të larta të trajtimit, transmeton portal arbresh.info

Sipas Reuters, propozimi i tij shkaktoi përgjigje shpërthyese nga disa njerëz, me një videoklip prej 15 sekondash në të cilin Lee bëri një mashtrim të një reklame për humbjen e flokëve duke thënë se ai është kandidati më i mirë për “flokët e tu”.

Jeong Da-eun, një nënë e dy fëmijëve, tha në një takim të organizuar vonë të mërkurën nga partia e Lee me votuesit që vuanin nga rënia e flokëve se ajo hoqi dorë nga trajtimi mjekësor pasi kërkonte 4 milionë ëon (3,325 dollarë) në gjashtë muaj, duke arsyetuar kështu edhe propozimin nga bashkëpartiaku i saj.

Lee Sang-ee, një profesor në shkollën mjekësore të Universitetit Kombëtar Jeju, tha se sigurimi kombëtar shëndetësor mund të lëkundet nëse shpenzon qindra miliarda dollarë për të mbuluar rënien e flokëve, kur ajo është krijuar për të ndihmuar ata që vuajnë nga sëmundje serioze.

Nuk ka të dhëna zyrtare se sa koreano-jugorë vuajnë nga rënia e flokëve. Shërbimi Kombëtar i Sigurimeve Shëndetësore ofroi vetëm të dhënat vjetore të njerëzve që kanë marrë trajtim spitalor, të cilat arritën në rreth 230,000 në 2020./arbresh.info/